+995 422 21 25 35 | +995 422 21 25 36
2016 წლის 14-16 აპრილს ქალაქ ბათუმში, სასტუმრო შერატონში გაიმართა “სამედიცინო ტურიზმისა და აღჭურვილობის პირველი საერთაშორისო გამოფენა EXPOMED BATUMI 2016“, რომელშიც მონაწილეობა მიიღო ბაუ ბათუმის საერთაშორისო უნივერსიტეტმა.
ბაუ ბათუმის საერთაშორისო უნივერსიტეტის შეტყობინება სააღდგომო არდადეგების შესახებ საქართველოში.
14 აპრილს ბაუ ბათუმის საერთაშორისო უნივერსიტეტის მედიცინის ფაკულტეტის სტუდენტები შოთა რუსთაველის სახელობის სახელმწიფო უნივერსიტეტს ეწვივნენ. სტუდენტებმა დაათვალიერეს უნივერსიტეტი და იქ არსებული აღჭურვილობა.
2016 წლის 21 მარტიდან 22 აპრილამდე ბაუ ბათუმის საერთაშორისო უნივერსიტეტის წარმომადგენლებმა უნივერსიტეტის გაცნობისა და პოპულარიზაციის მიზნით თბილისის მასშტაბით კერძო და საჯარო სკოლებში პრეზენტაციები ჩაუტარეს დამამთავრებელი კლასის მოსწავლეებს.
2016 წლის 2-3 აპრილს ქალაქ ბაქოში აზერბაიჯანულმა ცენტრმა „Academy Group“ განათლების გამოფენა მოაწყო. გამოფენის ფარგლებში თურქეთიდან 20-ზე მეტი მონაწილე კერძო და სახელმწიფო უნივერსიტეტი იყო წარმოდგენილი. გამოფენაზე მისულ დამთვალიერებლებს საშუალება ჰქონდათ ამომწურავი ინფორმაცია მიეღოთ საბაკალავრო, სამაგისტრო და სადოქტორო პროგრამების შესახებ.
2016 წლის 16 მარტს ბათუმის საერთაშორისო საუნივერსიტეტო ჰოსპიტალის საზეიმო გახსნის ცერემონიას სტამბოლის ბაჰჩეშეჰირის უნივერსიტეტის ოფიციალური წარმომადგენლობა დაესწრო, რომელიც წარმოდგენილი იყო რექტორის, პროფესორ შენაი იალჩინის, სამედიცინო ფაკულტეტის დეკანის, პროფესორ თურქერ ქილიჩის, სტუდენტთა დეკანის ფერვინ მერდანის, გენერალური მდივნის მოადგილის ჰიქმეთ ილდირიმისა და საერთაშორისო სტუდენტთა მომსახურების ოფისის დირექტორის ერბაი შირინის სახით.
2016 წლის 16 მარტს ქ. ბათუმში საერთაშორისო საუნივერსიტეტო ჰოსპიტალი “IUHB” გაიხსნა. 103 პაციენტზე გათვლილ ჰოსპიტალში 400 ადამიანია დასაქმებული. სამედიცინო პერსონალი, როგორც ადგილობრივი, ისე უცხოელი პროფესიონალებით დაკომპლექტდა.
16 მარტს, ბაუ ბათუმის საერთაშორისო უნივერსიტეტში შედგა გაცნობითი შეხვედრა გაყიდვების სფეროს წარმომადგენლებთან ინდოეთიდან, რაც მიზნად ისახავდა სტუმრებისთვის უნივერსიტეტის პრეზენტაციას, სამომავლო გეგმების გაცნობას და ურთიერთთანამშრომლობის პირობების განხილვას.
ბაუ ბათუმის საერთაშორისო უნივერსიტეტის აკადემიური პერსონალი 2016 წლის 5 მარტს სამუშაო ვიზიტით იმყოფებოდა სტამბოლში, ბაჰჩეშეჰირის უნივერსიტეტში. ვიზიტის ფარგლებში განხილული იქნა მედიცინის საგანმანათლებლო პროგრამასთან დაკავშირებული, ერთობლივი კონფერენციების მოწყობის, სამეცნიერო კვლევებისა და მომავალ სტუდენტებში ჩვენი უნივერსიტეტისადმი ინტერესის გაზრდის საკითხები.
ბაუ ბათუმის საერთაშორისო უნივერსიტეტის წარმომადგენლები 2016 წლის 22-26 თებერვალს სამუშაო ვიზიტით თბილისში იმყოფებოდნენ, სადაც შეხვდნენ კერძო და საჯარო სკოლის ხელმძღვანელ პირებს. შეხვედრის დროს უნივერსიტეტის წარმომადგენლებმა გაცნობითი სახის პრეზენტაცია ჩაუტარეს სკოლის ხელმძღვანელებს და მიაწოდეს ინფორმაცია ბაუ ბათუმის საერთაშორისო უნივერსიტეტის მიერ შემოთავაზებული სასწავლო პროგრამისა და უპირატესობების შესახებ.
