შესავალი

მოგესალმებით განათლების ადმინისტრირების სამაგისტრო პროგრამის აკადემიური გუნდის სახელით. სიამაყით წარმოგიდგენთ პროგრამას, რომელიც შექმნილია ამჟამინდელი და მომავალი საგანმანათლებლო ლიდერებისთვის, რომლებიც ცდილობენ განათლების მომავლის ტრანსფორმაციას ეფექტური ლიდერობის, მტკიცებულებებზე დაფუძნებული გადაწყვეტილებების მიღების, ინოვაციებისა და ეთიკური პასუხისმგებლობის გზით.

ჩვენ გვჯერა, რომ განათლების ადმინისტრირება სცილდება ინსტიტუციური მენეჯმენტის ფარგლებს — ის მოიცავს განათლების, როგორც საზოგადოებრივი სიკეთის, სოციალური და ეკონომიკური განვითარების მამოძრავებელი ძალის გააზრებას. ჩვენი ინტერდისციპლინარული სასწავლო გეგმა აერთიანებს საგანმანათლებლო პოლიტიკას, ლიდერობას, მენეჯმენტს, ხარისხის უზრუნველყოფას, კვლევასა და ახალ ტექნოლოგიებს, მათ შორის ხელოვნურ ინტელექტს.

პროგრამა შემუშავებულია განათლების სექტორის მზარდი საჭიროებების საპასუხოდ რეგიონულ, ეროვნულ და საერთაშორისო დონეზე. თეორიის, პრაქტიკული გამოცდილებისა და კვლევის ინტეგრაციის გზით, სტუდენტები ავითარებენ კომპეტენციებს, რომლებიც საჭიროა საგანმანათლებლო დაწესებულებების ხელმძღვანელობისთვის, პოლიტიკის შემუშავებისა და შეფასებისთვის.

თუ თქვენი მიზანია სკოლებში, უნივერსიტეტებში, პროფესიულ კოლეჯში, სკოლამდელი აღზრდის დაწესებულებაში, საგანმანათლებლო ორგანიზაციებში თუ პოლიტიკის შემმუშავებელ ორგანოებში წარმატება, განათლების ადმინისტრირების პროგრამა მოგაწვდით ცოდნას, უნარებსა და პროფესიულ აზროვნებას, რაც აუცილებელია იმისათვის, რომ გახდეთ ტრანსფორმაციული საგანმანათლებლო ლიდერი.

პროგრამის აღწერა

პროგრამის დევიზი

SAPIENTIA ET DUCTUS

პროგრამის მისია

ცოდნის ტრანსფერის, უნარების შეძენისა და ღირებულებათა განვითარების გარემოს შექმნა ინდივიდის საგანმანათლებლო ლიდერად ტრანსფორმაციისთვის

პროგრამის მიზნები და შედეგები

პროგრამის მიზნები და შედეგები 2-ნაირია, სამაგისტრო ერთელიანი და კვლევითი სამაგისტრო 2 წლიანი ნაწილებისთვის.

თუ შესაძლებელია მათი ტაბებში მოთავსება ტექსტი ცოტა შეიცვლება

სამაგისტრო პროგრამა

განათლების ადმინისტრირების სამაგისტრო პროგრამა მიზნად ისახავს მაღალი კვალიფიკაციის მქონე პროფესიონალების განვითარებას, რომლებსაც შეუძლიათ მართონ საგანმანათლებლო ინსტიტუციები სხვადასხვა დონეზე. პროგრამა აღჭურავს კურსდამთავრებულებს განათლების, როგორც საჯარო ინსტიტუტის ევოლუციის, მასზე პოლიტიკური, ეკონომიკური და სამართლებრივი რეგულაციების გავლენისა და განათლების მართვის სირთულეების სიღრმისეული გააზრებით, სტრატეგიული პოლიტიკების შემუშავებიდან ინსტიტუციონალურ ადმინისტრირებამდე.

თანამედროვე ლიდერობის თეორიების პრაქტიკულ აპლიკაციებთან ინტეგრაციითა და სინთეზით, სტუდენტები ისწავლიან ორგანიზაციულ გამოწვევებზე რეაგირების, პოზიტიური ინსტიტუციური კულტურის განვითარებისა და განათლების მდგრადი განვითარების სტრატეგიების განხორციელებას. პროგრამა ხაზს უსვამს საგანმანათლებლო ტექნოლოგიების, განსაკუთრებით საინფორმაციო და AI ტექნოლოგიების, ეთიკურ გამოყენებას ადმინისტრირებასა და საგანმანათლებლო პროცესში.

პროგრამა ავითარებს აკადემიური, ეთიკური და დემოკრატიული ღირებულებებისადმი ერთგულებას, მისი კურსდამთავრებულის მიერ განათლებაში ლიდერული როლების შესასრულებლად, საზოგადოებრივი კეთილდღეობისა და ინოვაციების ხელშეწყობისთვის.

კვლევითი სამაგისტრო პროგრამა

სამაგისტრო პროგრამის II ნაწილი - კვლევითი სამაგისტრო პროგრამის აქცენტია კვლევისა და მტკიცებულებების საფუძველზე გადაწყვეტილების მიღების უნარების განვითარება, რაც მოამზადებს კურსდამთავრებულებს კრიტიკულად შეაფასონ და გააუმჯობესონ საგანმანათლებლო პოლიტიკა, კურიკულუმები და მართვის სისტემები.

თეორიული ცოდნის ანალიზის, რეალური პრაქტიკული გამოცდილების ტრანსფერისა და მტკიცებულებაზე დაფუძნებული კვლევის სინერგია განაპირობებს პროგრამის კურსდამთავრებულების მიმართ მოლოდინს - განახორციელონ მნიშვნელოვანი ცვლილებები განათლების ადმინისტრირებაში ადგილობრივ, ეროვნულ და საერთაშორისო დონეზე.

პროგრამის ამოცანები

სამაგისტრო პროგრამა

ანალიტიკური და ლიდერული კომპეტენციების განვითარება

• კურსდამთავრებულებისთვის საგანმანათლებლო პოლიტიკის, მართვის სტრუქტურებისა და ადმინისტრაციული პროცესების კრიტიკული ანალიზის უნარის ფორმირება სხვადასხვა დონეზე (გლობალური, ეროვნული, ინსტიტუციური).
• სტრატეგიული აზროვნებისა და გადაწყვეტილების მიღების უნარ-ჩვევების განვითარება განათლების პოლიტიკურ, ეკონომიკურ და სამართლებრივ ჩარჩოებზე დაყრდნობით.

საგანმანათლებლო ლიდერობის, მართვის, ადმინისტრირების უნარების განვითარება

• საგანმანათლებლო პროფესიონალების მომზადება თანამედროვე ლიდერობის მიდგომებით განვითარებისა და პოზიტიური ინსტიტუციური კულტურის უზრუნველსაყოფად.
• განათლების სისტემისა და საგანმანათლებლო ინსტიტუციის შიდა და გარე გამოწვევების შესატყვისი, ადექვატური სტრატეგიების შემუშავების უნარის განვითარება

განათლების ადმინისტრირებაში ტექნოლოგიების ინტეგრირების შესწავლა

• • თანამედროვე საინფორმაციო და AI ტექნოლოგიების გამოყენების უნარის განვითარება საგანმანათლებლო პროცესში, ინსტიტუციური მართვასა და შეფასებაში
  • საგანმანათლებლო ინსტიტუციაში ციფრული ტრანსფორმაციის ინიციატივების წარმართვის უნარის შეძენა

ეთიკური პასუხისმგებლობისა და დემოკრატიული ღირებულებების ხელშეწყობა

• ეთიკური ლიდერობის მიდგომის წახალისება, განათლების საზოგადოებრივ კეთილდღეობაზე სოციალურ სამართლიანობაზე და დემოკრატიულ პრინციპებზე გავლენის გაცნობიერებით.
• პასუხისმგებლობის კულტურის განვითარება საგანმანათლებლო ინსტიტუციის საქმიანობისა პრაქტიკებში, აკადემიის მართვაში AI-ის გამოყენების ეთიკის ღირებულებების ფორმირება.

კვლევითი სამაგისტრო პროგრამა

ანალიტიკური და ლიდერული კომპეტენციების განვითარება

• კურსდამთავრებულებისთვის ეროვნული და საერთაშორისო სამეცნიერო წყაროების, და მმართველობითი თუ კვლევითი მონაცემების კრიტიკული ანალიზის უნარის ფორმირება.

მტკიცებულებებზე დაფუძნებული გადაწყვეტილების მიღების უნარების განვითარება

• • თვისებრივი და რაოდენობრივი კვლევის ჩატარების კომპეტენციების გამომუშავება, აკადემიური სტანდარტებისა და სამეცნიერო ეთიკური პრინციპების დაცვის უნარის ფორმირება
  • მტკიცებულებებზე დაფუძნებული გადაწყვეტილების მიღების, ადვოკატირებისა და შეფასების კულტურის განვითარება

ეთიკური პასუხისმგებლობისა და დემოკრატიული ღირებულებების ხელშეწყობა

პასუხისმგებლობის კულტურის განვითარება საგანმანათლებლო კვლევის პრაქტიკებში, აკადემიური წყაროებისა და AI-ის რაციონალურად გამოყენების ღირებულებების ფორმირება.

კონცეფცია

პროგრამის ხედვა ეფუძნება პროგრამის განმახორციელებელი გუნდის ხედვას, რომელიც აერთიანებს ეროვნულ და საერთაშორისო დონეზე აკადემიური და პროფესიული გამოცდილებას სფეროს განვითარების, მისი გამოწვევებისა და მისი მომავალი ლიდერების უნარებთან მიმართებით, იაზრებს სხვა საგანმანათლებლო სუბიექტთა გამოცდილებას აღნიშნული პროგრამის განვითარების შესახებ და იაზრებს არსებულ სექტორულ საჭიროებებს, კომპეტენციათა დეფიციტის გამოსავლენად ჩატარებული ფართო კვლევების შედეგად, ამ საჭიროებათა გააზრებით განათლების გლობალური სივრცის ტექნოლოგიური და სოციალური ევოლუციის კონტექსტში.

განათლების ადმინისტრირების საკითხის განხილვა შეუძლებელია მარტო ორგანიზაციული ლიდერობის და მმართველობითი საქმიანობისთვის დამახასიათებელი ზოგადი უნარების ფორმირებით, განათლების ადმინისტრირებაში საგანმანათლებლო საქმიანობის დიზაინის და განხორციელების ეფექტურობის შეფასების მნიშვნელობის გათვალისწინების გარეშე, რომელიც უნდა განხორციელდეს საგანმანათლებლო პროცესის ადმინისტრირების უნარების ფორმირებით, ისეთ საკვანძო საკითხებზე, როგორიცაა სწავლა-სწავლების პროცესების მართვისა და კურიკულუმის შემუშავების საკითხები, შეფასების პრინციპები და ტექნიკები და სხვა.  ეფექტური განათლების ადმინისტრირება სწორედ საგანმანათლებლო პრინციპების ცოდნას მოითხოვს იმგვარი ინფორმირებული გადაწყვეტილებების მისაღებად, რომლებიც დადებითად აისახება ინსტიტუციის საქმიანობაზე.

განათლების ადმინისტრირების პროგრამის კონცეფცია სწორედ საგანმანათლებლო ორგანიზაციის მიზნების მისაღწევად ამ კომპონენტების სინერგიას ითვალისწინებს, სფეროს განვითარების ადგილობრივი გამოწვევების, საერთაშორისო კონტექსტით თუ შრომის ბაზარზე იდენტიფიცირებული უნარების დეფიციტის საპასუხო საგანმანათლებლო პროდუქტის მოწოდებასთან ერთად.

უმაღლესი განათლების უწყვეტი რეფორმა, ევროპულ ხარისხის სისტემაში ინტეგრაცია, პრაქტიკული სწავლების და სადოქტორო მიმართულებების განვითარება საერთაშორისო საუკეთეს პრაქტიკების ცოდნის მოლოდინს წარმოშობს უმაღლეს საგანმანათლებლო დაწესებულებებში არსებული პერსონალის მიმართ.

საქართველოს როგორც საგანმანათლებლო მომსახურების პროვაიდერი ქვეყნის რეგიონულ და მსოფლიო  კონტექსტში დასამკვიდრებლად. საერთაშორისო საგანმანათლებლო კავშირები, ისევე როგორც საერთაშორისო მოსწავლეების და სტუდენტების მომსახურება ახალ გამოწვევას უყენებს საგანმანათლებლო დაწესებულებებს, პირველ რიგში დასაქმებული პერსონალის, საგანმანათლებლო ლიდერების, საგანმანათლებლო დაწესებულებათა მენეჯერების, სასწავლო პროგრამების ავტორებისა და განმახორციელებლების მიმართ.

ზოგადი განათლების რეფორმა და სკოლის სასწავლო გეგმაზე გადასვლის პროცესი, რომელიც მეტ ავტონომიას ანიჭებს სასკოლო საზოგადოებას, საგანმანათლებლო მიზნების მაკრო და მიკრო დონეზე განსხვავებულ გააზრებას მოითხოვს, რაც სკოლის ადმინისტრაციის და სასკოლო სასწავლო გეგმის განვითარების პირების პასუხისმგებლობის მიმართ მომეტებულ მოლოდინებთან არის დაკავშირებული.

საერთაშორისო ზოგადსაგანმანათლებლო პროგრამების აღიარება და მსგავსი პროგრამების რიცხვის მნიშნელოვანი ზრდა დამატებით ახალ გამოწვევას ქმნის სკოლის ადამიანურ რესურსთან მიმართებით.

პროფესიული განათლების უწყვეტი განვითარება მის როგორც რაოდენობრივ ზრდაში გამოიხატება, როგორც პროფესიული სტუდენტებისა და პროფესიული საგანმანათლებლო დაწესებულებათა ნაწილში, ასევე ვითარდება პროფესიულ განათლების განმახორციელებელ დაწესებულებათა მიმართ ხარისხის უზრუნველყოფის, ეფექტური სტრატეგიული მმართველობის და საბაზრო ადგილის დამკვიდრებისთვის აუცილებელი კომპეტენციების მოლოდინი.

არაფორმალური განათლების აღიარების ინსტიტუტი ქართულ საგანმანათლებლო სივრცეში დამკვიდრების საწყის სტადიაზეა, და მისი ინსტიტუტების განვითარება საგანმანათლებლო სისტემის განვითარებისა და სრულყოფის პროცესის უწყვეტი თანმდევი იქნება.

სკოლამდელი განათლების რეფორმა სრულიად ახალი, ხარისხის უზრუნველყოფაზე ორიენტირებული სტანდარტების შემოღებით თვისებრივად ახალ მოთხოვნებს უყენებს სკოლამდელი სააღმზრდელო დაწესებულებების პერსონალს, რომლებსაც, ქართულ საგანმანათლებლო სივრცისთვის აქტუალურმა პროგრამამ უნდა უპასუხოს.

არაფორმალური განათლება, ტრენინგი, საგანმანათლებლო კურსის შექმნა საგანმანათლებლო სამართლებრივი ჩარჩოს გარეთ, ინდივიდუალური ტრენინგის, ბიზნესთან ინტეგრირებული პროფესიული გადამზადების კურსის, ტრენინგ-აკადემიის, სასწავლო ცენტრის, ქართულ და საერთაშორისო განათლების პლატფორმაზე კურსის კონსტრუქციის და რეალიზაციის შესაძლებლობები წარმოადგენს საგანმანათლებლო სისტემის თანამედროვე ძლიერ ალტერნატივას და საგანმანათლებლო პროგრამის თანამედროვეობას უნდა განსაზღვრავდეს ტრადიციული, ფორმალური განათლების ფორმების და სისტემების პარალელურად, არაფორმალური განათლების თანამედროვე კონტექსტის სიღრმისეულად გააზრება, მისი ფილოსოფიური მიდგომებიდან, დაგეგმვიდან მარკეტინგამდე მმართველობით ინსტრუმენტებამდე. 

თანამედროვე ტექნოლოგიების განვითარების გავლენა განათლებაზე უზარმაზარია - ონლაინ კოლაბორაციისა და ინტერაქციის პლატფორმებიდან დაწყებული, ვრცელი ენობრივი მოდელების გამოყენებამდე ინფორმაციის მოძიების, საკითხის კრიტიკულად შეფასებისა თუ სასწავლო პროდუქტის შექმნის მიზნით, ხელმისაწვდომი ტექნოლოგიების პრაქტიკული გაცნობა, მათი საგანმანთლებლო პროცესში ინტეგრაციის შესაძლებლობების, შეზღუდვებისა, რისკებისა და ეთიკური დილემების გააზრება გარდაუვალია ნებისმიერი საგანმანათლებლო სექტორის ფუნქციონირებისათვის.

ყოველივე ზემოთაღნიშნული საფუძვლად დაედო პროგრამის - როგორც ინტერდისციპლინარულ, პრობლემის გადაწყვეტაზე, პრაქტიკულ აპლიკაციაზე და სიახლეებისადმი ღიაობის ჩამოყალიბებაზე ორიენტირებული საგანმანათლებლო კონცეფციის - ჩამოყალიბებას

პროგრამის მიმოხილვა

პროგრამის ხედვა

განათლების ადმინისტრირების სფეროს ინტერდისციპლინარული და მრავალმხრივი ბუნების შესატყვისად, განათლების ადმინისტრირების სამაგისტრო პროგრამა ახდენს სხვადასხვა მიმართულების - პედაგოგიკის ფსიქოლოგიის, დიდაქტიკის, ეკონომიკის, მართვისა და ორგანიზაციული განვითარების, ლიდერობისა და სტრატეგიული კომუნიკაციების, ტექნოლოგიებისა და ფსიქოლოგიის, დარგობრივი და დარგთაშორისი გამოწვევების, თეორიის პრაქტიკისა და კვლევის, სინერგიას, არა სხვადასხვა მიმართულების სასწავლო დისციპლინების პარალელურად შეთავაზებით, არამედ მათი ურთიერთკავშირის გაცნობიერებით განათლების ადმინისტრატორის პროფესიულ პროფილში.

საკუთარი კატალოგით პროგრამა ახდენს შემდეგი მიმართულებების სინერგიას:

განათლების ადმინისტრირების სფეროს ინტერდისციპლინარული და მრავალმხრივი ბუნების შესატყვისად, განათლების ადმინისტრირების სამაგისტრო პროგრამა ახდენს სხვადასხვა მიმართულების - პედაგოგიკის ფსიქოლოგიის, დიდაქტიკის, ეკონომიკის, მართვისა და ორგანიზაციული განვითარების, ლიდერობისა და სტრატეგიული კომუნიკაციების, ტექნოლოგიებისა და ფსიქოლოგიის, დარგობრივი და დარგთაშორისი გამოწვევების, თეორიის პრაქტიკისა და კვლევის, სინერგიას, არა სხვადასხვა მიმართულების სასწავლო დისციპლინების პარალელურად შეთავაზებით, არამედ მათი ურთიერთკავშირის გაცნობიერებით განათლების ადმინისტრატორის პროფესიულ პროფილში.

საკუთარი კატალოგით პროგრამა ახდენს შემდეგი მიმართულებების სინერგიას:

პროგრამის სტრუქტურა

განათლების ადმინისტრირების პროგრამა მოიცავს:

განათლების სისტემის ბლოკს, რომელიც განისაზღვრება განათლების სისტემების შედარებითი ანალიზის, განათლების პოლიტიკის, ეკონომიკური ზემოქმედებებისა და სამართლებრივი რეგულირების შემსწავლელ კურსებით. ცოდნის გაღრმავება აღნიშნულ მიმართულებაში შესაძლებელია განათლების, როგორც მდგრადი განვითარების მიზნების საკვანძო კომპონენტის, გლობალური განათლების, განათლების ფილოსოფიისა და განათლების სოციოლოგიის კურსებით.

საგანმანათლებლო პროცესის ადმინისტრირების ბლოკს რომელიც მოიცავს ფსიქოლოგიის და განათლების თეორიის, კურიკულუმის დიზაინის, სწავლებისა და შეფასების მეთოდების, ხარისხის უზრუნველყოფის კომპონენტებს. ხაზგასმულია საგანმანათლებლო პროცესის ტექნოლოგიური ტრანსფორმაცია თანამედროვე საინფორმაციო, მათ შორის ხელოვნური ინტელექტის ტექნოლოგიების გამოყენებით.

საგანმანათლებლო ინსტიტუციის ადმინისტრირების ბლოკს რომელიც მოიცავს ორგანიზაციული ლიდერობის, მართვის პრაქტიკული ინსტრუმენტების და ინტერკულტურული კომუნიკაციის უნარების დაუფლებას, ასევე პრაქტიკაში რეალურ პროფესიულ გარემოსთან არსებული ცოდნის, ანალიზისა და პრობლემის გადაწყვეტის უნარების გამოყენების  რეალური ორგანიზაციის საჭიროებების იდენტიფიცირებისა და განვითარების პროექტის შემუშავებაში.

განათლების კვლევის ბლოკს, რომელიც დარგისთვის დამახასიათებელი კვლევითი მეთოდების გამოყენების შესწავლას, ასევე აკადემიური და სამეცნიერო კომუნიკაციის ფორმების გამოყენების შესწავლას უზრუნველყოფს და ტარდება დამოუკიდებლობის მაღალი ხარისხით განხორციელებული კვლევის შედეგად სამაგისტრო ნაშრომის შემუშავებითა და დაცვით.

პროგრამის სტრუქტურა

თეორიული კომპონენტი უზრუნველყოფილია პროგრამაში უახლეს კვლევაზე, დარგის მიღწევებსა და გამოწვევებზე ორიენტირებული სასწავლო კურსებით. პროგრამა არა მარტოოდენ თეორიული ცოდნის ტრანსფერს ითვალისწინებს, არამედ ცდილობს ანალიტიკური, პრობლემასა და რეალური შემთხვევების გადაწყვეტილების უნარებს მიუსადაგოს თეორიული ბაზისი, რაც შესაბამისი სწავლებისა და შეფასების მეთოდებით არის უზრუნველყოფილი

პრაქტიკული უნარების ფორმირება არა მარტოოდენ პროგრამის სავალდებულო პროექტის დამოუკიდებლად, რეალურ პროფესიულ გარემოში შესრულებით განისაზღვრება, არამედ პროგრამის კურსების უმეტესობა მათი სპეციფიკის შესაბამისი მინი პროექტის შესრულებას და შეფასებას ითვალისწინებს. პროგრამის ყველა კურსი, თეორიულ უნარებთან ერთად იაზრებს მათი პრაქტიკაში აპლიკაციის მნიშვნელობას და პრაქტიკული პროექტის შესრულებით ახდენს მაგისტრანტების მიერ ცოდნის უნარებში ტრანსფერის შესაძლებლობის დემონსტრირებასა და განმტკიცებას.

კვლევითი კომპონენტი, მისი შესწავლიდან - ამაზე ორიენტირებული დარგობრივი კურსებით, გაღრმავდება კვლევითი ამოცანების შესრულებით პროგრამის თითოეული სემესტრის განმავლობაში, რის შესატყვის დავალებებსაც პროგრამის სასწავლო კურსები მოიაზრებენ და განმტკიცდება დამასრულებელ სემესტრში სამაგისტრო კვლევის და ნაშრომის პრეზენტაციის კომპონენტში

კომუნიკაციის უნარების განვითარება უზრუნველყოფილია როგორც აკადემიურ, ასევე პროფესიულ დონეზე, როგორც ქართულ ასევე ინგლისურ ენაში, ჯგუფში მუშაობის, პრობლემაზე დაფუძნებული სწავლებით, პრეზენტაციის, რეფლექსიისა და თვითრეფლექსიის და დარგობრივი კომუნიკაციის დემონსტრირებისთვის საკვანძო სხვა კომპონენტების პროგრამის კომპონენტებში ინტეგრირებით

ტრანსფერული უნარების კომპონენტი ინტეგრირებულია ყველა კურსში, თანამედროვე ლიდერობისთვის საბაზისო დროისა და რესურსების მართვის უნარებიდან, შეზღუდული ინფორმაციისა და პიროვნული ლიმიტების შეცნობის, ტექნოლოგიების ეფექტურად და ეთიკურად გამოყენების უნარებამდე.

ინგლისურენოვანი კომუნიკაცია კურსდამთავრებულისთვის უზრუნველყოფილია ინგლისურენოვანი დამატებითი და სამეცნიერო სასწავლო მასალების ინგლისურ ენაზე შეთავაზებით,  სასწავლო კურსების ინგლისურად გავლის შესაძლებლობის უზრუნველყოფით, პროექტისა და თეზისის ინგლისურად შესრულების შესაძლებლობით.

კურიკულუმი

სწავლის შედეგები

სამაგისტრო პროგრამა

ცოდნა და გაცნობიერება

1.1.

აცნობიერებს განათლების, როგორც საზოგადოებრივი ინსტიტუტის, განვითარების ფაზებს, თანამედროვე კონტექსტსა და სამომავლო გამოწვევებს, აანალიზებს პოლიტიკური, ეკონომიკური და სამართლებრივი ინსტრუმენტებით რეგულირების გავლენებს განათლების სფეროს განვითარებაზე.

1.2.

იცნობს განათლების მართვის სტრუქტურებს საერთაშორისო, სახელმწიფოებრივ თუ საგანმანათლებლო ორგანიზაციის დონეზე, აანალიზებს საგანმანათლებლო მმართველობით პროცესებს სტრატეგიულიდან ოპერაციულ მართვამდე და პოლიტიკის შემუშავებიდან - საგანმანათლებლო დაწესებულებების ადმინისტრირების დონემდე.

1.3.

სისტემურად აკავშირებს საგანმანათლებლო პროცესის ორგანიზებისა და ადმინისტრირების გამოწვევებს, საგანმანათლებლო სტრატეგიების შემუშავებიდან კურიკულუმის დიზაინის, შიდა და გარე შეფასებისა და განვითარების ჩათვლით, უახლესი საგანმანათლებლო, მათ შორის ICT და AI ტექნოლოგიების სასწავლო პროცესის განვითარებაში მნიშვნელობის გაცნობიერებით.

უნარები

2.1.

ავლენს ეფექტურ საგანმანათლებლო ლიდერობას ორგანიზაციაში - რელევანტური მმართველობითი მიდგომების გამოყენებით, გარე და შიდა ფაქტორების გავლენის შეფასებით, მტკიცებულებაზე დაფუძნებული გადაწყვეტილებებით განსაზღვრავს და ახორციელებს საგანმანათლებლო ორგანიზაციის განვითარების რეალისტურ და მიღწევად სტრატეგიას, პოზიტიური ორგანიზაციული კულტურისა და განვითარებაზე ორიენტირებული მიდგომების უზრუნველყოფით.

2.2.

შეუძლია საგანმანათლებლო პროცესის ადმინისტრირება - ორგანიზება, განხორციელება და მართვა, ინოვაციური ინიციატივების შემუშავებიდან მტკიცებულებებზე დაფუძნებული შეფასების მიღებამდე, ახდენს აკადემიური გამოცდილების სინთეზს საგანმანათლებლო პროცესის ორგანიზების უნარებთან.

2.3.

პრაქტიკაში უზრუნველყოფს საგანმანათლებლო პროცესის და საგანმანათლებლო დაწესებულების ადმინისტრირებისთვის მნიშვნელოვანი ICT და AI ტექნოლოგიების დანერგვასა და გამოყენებას

პასუხისმგებლობა და ავტონომიურობა

3.1.

საგანმანათლებლო და ადმინისტრაციული, ინდივიდუალური თუ გუნდური საქმიანობის დაგეგმვაში ითვალისწინებს საკუთარ და სხვის პიროვნულ შესაძლებლობებს და ლიმიტებს, და საგანმანათლებლო თუ პროფესიულ ეკოსისტემაში ლიდერობას წარმართავს აკადემიური ღირებულებების, საზოგადოებრივი კეთილდღეობის პრიმატისა და დემოკრატიული ღირებულებების გაცნობიერებით.

კვლევითი სამაგისტრო პროგრამა

ცოდნა და გაცნობიერება

B1.1.

ადარებს განათლების, როგორც საზოგადოებრივი ინსტიტუტის, განვითარების გამოწვევებს ადგილობრივ და გლობალურ დონეზე, კვლევებსა და მტკიცებულებებზე დაფუძნებულ არგუმენტებზე დაყრდნობით

B1.3.

სისტემურად აკავშირებს საგანმანათლებლო პროცესის ორგანიზებისა და ადმინისტრირების გამოწვევებს განვითარებასა და სწავლების კოგნიტურ პროცესებთან, ინტერკულტურული სასწავლო პროცესის განვითარების მნიშვნელობის გაცნობიერებით.

უნარები

B2.3.

შეუძლია სფეროს შესატყვისი კვლევითი მეთოდოლოგიის გამოყენებით, აკადემიური კეთილსინდისიერებისა და კვლევის ეთიკის პრინციპების დაცვით კვლევის დაგეგმვა და ჩატარება, აკადემიური სტანდარტით ნაშრომის მომზადება და მტკიცებულებებზე დაფუძნებული გადაწყვეტილებების მიღების მიზნით კვლევის მონაცემების გამოყენება საკუთარი გადაწყვეტილების დასაბუთებისთვის;

პასუხისმგებლობა და ავტონომიურობა

3.2.

აცნობიერებს აკადემიურ ღირებულებებს კვლევის დაგეგმვის, განხორციელების, მონაცემების დამუშავების და კვლევის შედეგების წარდგენის ეტაპებზე, რაოდენობრივი, თვისებრივი, სამოქმედო თუ შერეული კვლევის განხორციელებისას იცავს ეთიკურ პრინციპებს, განსაკუთრებით საკვლევ პოპულაციასთან მიმართებით, იაზრებს სხვათა ნამუშევრის  და ხელოვნური ინტელექტის გამოყენების გავლენას სამეცნიერო მუშაობაზე და წარმართავს კვლევას აკადემიური პატიოსნების თანამედროვე სტანდარტებით.

ტრანსფერული უნარები
 

4.1. კომუნიკაციის უნარი

4.1.1. ვერბალური კომუნიკაციის უნარი - ქართულ და ინგლისურ ენაზე, პრობლემის, სასწავლო მასალის, სამეცნიერო წყაროს თუ პრაქტიკული ქეისის ირგვლივ ინფორმაციის აღქმის, გადმოცემის, პერეფრაზის, სპეციალური ტერმინოლოგიის გამოყენებით, თუ არასპეციალისტებისათვის გასაგები ფორმით გადმოცემის უნარი.

4.1.2. წერილობითი კომუნიკაციის უნარი - ქართულ და ინგლისურ ენაზე მოკლე პრეზენტაციული ნაშრომის, ესეს, დოკუმენტის პროექტისა და აკადემიური სტატიის ფორმატში ინფორმაციის გადმოცემის, შეჯამების, ანალიზის, მნიშნელოვანი ნაწილების ხაზგასმისა და გამართულ სტილში, აკადემიური ფორმებით ტრანსფერის უნარი. ქართულენოვან და ინგლისურენოვანი წყაროებიდან ინფორმაციის სინთეზისა და სამუშაო ენაზე გამართულად გადმოცემის უნარი.

4.1.3. ენობრივ მოდელებთან კომუნიკაციის უნარი - ქართულ და ინგლისურ ენაზე ვრცელი ენობრივი მოდელებისთვის მინიშნების (prompt) გენერირების უნარი, ენობრივი მოდელის შესაძლებლობისა და პრობლემის გადასაჭრელად აუცილებელი წინაპირობების წინასწარ გააზრების და ტექსტობრივ მინიშნებაში ასახვის უნარი, გენერირებადი ტექსტის შეზღუდვების წინასწარი გაცნობიერებით.

4.2. პრობლემების გადაჭრის უნარი

ახდენს კომპლექსური პრობლემების იდენტიფიცირებას, ანალიზსა და თეორიული ცოდნისა და კრიტიკული აზროვნების სინთეზს მტკიცებულებაზე დაფუძნებული მეთოდოლოგიით პრობლემის გადასაჭრელად, ახალი ინოვაციური მიდგომების ფორმულირებასა და მათი ეფექტურობის შეფასებისთვის. იყენებს პრობლემების გადასაჭრელ მიდგომებს რეალური პროფესიული ქეისების გადასაჭრელად.

4.3. ანალიტიკური უნარი

აანალიზებს რთული ცნებებს, თეორიებსა და მონაცემებს, კრიტიკულად აფასებს სისტემურ ურთიერთკავშირებსა და პატერნებად დასაბუთებული დასკვნების ჩამოყალიბებისთვის.  გამოიყენონ მოწინავე ანალიტიკური მეთოდები და კვლევებზე დაფუძნებული მიდგომები. შეუძლია არგუმენტებისა და წყაროების კრიტიკული შეფასება, დამუშავებული მონაცემებისგან საკვანძო მიგნებების გამოკვეთა, თეორიული ცოდნის პრაქტიკულ ამოცანასთან დაკავშირება.

4.4. დროის მართვისა და პრიორიტეტების განსაზღვრის უნარი

ახდენს დროის ეფექტურად მართვისა და ამოცანების პრიორიტეტების განსაზღვრის და მართვის ძირითადი პრინციპებისა და ჩარჩოების იდენტიფიცირებას, რთულ აკადემიურ, კვლევით და პროფესიულ გარემოში ახდენს დავალების ორგანიზების, დაგეგმვისა და სამუშაო დატვირთვის დაბალანსების ტექნიკის დემონსტრირებას. იყენებს პრიორიტეტების განსაზღვრის სტრატეგიებს ვადებისა და პასუხისმგებლობების მართვაში, იღებს კრიტიკული გადაწყვეტილებებს დროითი და სამუშაო რესურსების ოპტიმალურად გამოყენებასთან დაკავშირებით და იყენებს ამოცანებისა და ვადების სტრუქტურირების ინსტრუმენტებსა და ტექნიკებს  მიზნის მისაღწევად.

4.5. ორგანიზების და თვითორგანიზების უნარი

კურსდამთავრებულები გამოავლენენ უნარს ეფექტურად დაგეგმონ, სტრუქტურირონ და მართონ ამოცანები, რესურსები და პასუხისმგებლობები რთულ აკადემიურ და პროფესიულ გარემოში. ისინი გამოიმუშავებენ ძლიერ ორგანიზაციულ უნარებს პროექტების კოორდინაციისთვის, სამუშაოს ოპტიმიზაციისთვის და დროისა და პრიორიტეტების ეფექტური მართვის უზრუნველსაყოფად. გარდა ამისა, ისინი განავითარებენ თვითორგანიზაციის უნარებს, რაც მათ საშუალებას მისცემს დამოუკიდებლად იმუშაონ, დაისახონ რეალისტური მიზნები, შეინარჩუნონ დისციპლინა და შეეგუონ ცვალებად გარემოებებს.

4.6. გუნდური მუშაობის უნარი

კურსდამთავრებულები გამოავლენენ ეფექტური თანამშრომლობის უნარს მრავალფეროვან გუნდურ გარემოში იდეების შეტანით, აქტიურად მოსმენით და ურთიერთპატივისცემისა და საერთო პასუხისმგებლობის კულტურის განვითარების გზით. მათ განუვითარდებათ ძლიერი ინტერპერსონალური უნარები, უზრუნველყოფენ პროდუქტიულ კომუნიკაციას, კონფლიქტების მოგვარებას და კონსენსუსის მიღწევას აკადემიურ და პროფესიულ გარემოში.

4.7. პროექტების მართვის უნარი

კურსდამთავრებულები გამოიმუშავებენ პროექტების ეფექტურად დაგეგმვის, შესრულების, მონიტორინგისა და შეფასების უნარებს აკადემიურ, საგანმანათლებლო და პროფესიულ გარემოში. ისინი გამოიყენებენ პროექტის მართვის პრინციპებს, მათ შორის მიზნების დასახვას, რესურსების განაწილებას, რისკების შეფასებას და ვადების მართვას, რათა უზრუნველყონ პროექტის წარმატებით დასრულება. გარდა ამისა, ისინი გამოავლენენ პროექტის მიზნების ინსტიტუციურ ან ორგანიზაციულ მიზნებთან შესაბამისობის უნარს, ეთიკური სტანდარტებისა და საუკეთესო პრაქტიკის დაცვით პროექტის განხორციელებაში.

აკადემიური დატვირთვა

სწავლების დიდაქტიკური კონცეფცია

სწავლება-სწავლის მეთოდოლოგიაში განსაკუთრებული ყურადღება ექცევა სტუდენტის მიერ საკუთარი ცოდნის, უნარებისა და ღირებულებების რეგულარულად გამოყენების შესაძლებლობების არსებობას, პრობლემის გლობალურ და ლოკალურ დონეზე გააზრებისა და რეალისტური და მიღწევადი ინსტრუმენტებით გადაჭრის უნარების დემონსტრირების შესაძლებლობის შექმნას.

სწავლების მეთოდები მოიცავს დარგის გამოწვევის შესატყვის დიდაქტიკურ მიდგომებს, როგორიცაა ჯგუფური სამუშაო პროექტები, კვლევით პრობლემაზე და ქეისის განხილვაზე დაფუძნებული სწავლება, “Journal club”, PBL. CBL, Flipped Classroom, საგანმანათლებლო ტექნოლოგიებთან  პრაქტიკული მუშაობა, და სხვა. კლასიკური ინტერაქტიული სალექციო და სასემინარო მეცადინეობების მეთოდოლოგია დაგეგმილია დარგის საჭიროებების შესაბამისად, რათა მისცეს სტუდენტს ცოდნის, უნარებისა და ღირებულებების რეგულარულად გამოყენების შესაძლებლობა რეალური ან რეალურთან მიახლოებული სიტუაციებისა და შემთხვევების ანალიზით, გადაჭრის გზების ძიების, და არჩეული პრაქტიკული გადაწყვეტილების არგუმენტირებულად დასაბუთების გზით.

კვლევითი კომპონენტის ინტეგრირებულია პროგრამაში ჰორიზონტალურად და სპირალურად. კვლევითი მეთოდოლოგიის შესწავლის პარალელურად, დარგობრივი სასწავლო კურსები პროგრამის მთელი ხანგრძლივობის განმავლობაში ითვალისწინებს კვლევითი ნამუშევრის / პროექტის შესრულებასა და შეფასებას, რაც კვლევითი ინსტრუმენტატივის დარგობრივი პრობლემის კვლევასთან მისადაგების საშუალებას განამტკიცებს, ამასთან, სამაგისტრო ნაშრომის შესრულებამდე მისი სტრუქტურის, მეთოდოლოგიური ბაზისა და გეგმის განხილვა ხდება სამაგისტრო სემინარის ფარგლებში, რაც საინტერესო მიმართულების კვლევაზე მუშაობის პარალელურად, სტუდენტებს კვლევის სტანდარტის საბოლოო განმტკიცებას ემსახურება და ნათლად წარმოაჩენს პროგრამის ფარგლებში მისი, როგორც ახალგაზრდა მკვლევარის პროგრესს. ტრადიციული კვლევის გარდა, როგორც სასწავლო კურსები ასევე დასკვნითი საკონსულტაციო პროექტი მოაიზრებს პრაქტიკის კვლევას ადმინისტრირებისა თუ პედაგოგიკურ კომპეტენციათა განსამტკიცებლად.

სწავლება-სწავლის მეთოდები

შეფასების სისტემა

სწავლის შედეგების შეფასების მეთოდები მრავალგვარია და მოიცავს ზეპირსიტყვიერი ან/და წერილობითი ანგარიშის, დებატებში/დისკუსიებში/პროფესიული ხასიათის დისკუსიებში მონაწილეობის, მშობლიურ ან/და უცხოურ ენაზე ჩატარებული საჯარო პრეზენტაციების, კვლევითი ნაშრომებისა და გამოცდების საფუძველზე ინდივიდუალურ შეფასებას, თანამშრომლობით მეთოდებსა და ჯგუფურ შეფასებას. აგრეთვე, კრიტიკული და კონსტრუქციული ხასიათის შენიშვნებსა და კომენტარებს საკუთარი (თვითრეფლექსია) თუ სხვა სტუდენტების (რეფლექსია) მიერ მიღწეულ შედეგებთან დაკავშირებით

განმავითარებელი შეფასება

განმავითარებელი შეფასება არის უწყვეტი შეფასების პროცესი, რომელიც სტუდენტებს ეხმარება აკადემიური პროგრესის გაუმჯობესებაში, ხოლო ლექტორებს – სწავლების პროცესის ადაპტირებაში. აღნიშნული მიდგომა ავითარებს მაგისტრანტების ანალიტიკურ, კრიტიკულ და კვლევით უნარებს.

განმავითარებელი შეფასების მოდელები:

• უკუკავშირი (Feedback) და რეფლექსია  - სტუდენტები იღებენ რეგულარულ უკუკავშირს, რაც ეხმარებათ გაუმჯობესებაში. მათ ასევე ეძლევათ შესაძლებლობა თვითშეფასებისა და კოლეგების შეფასების გზით გააღრმავონ ცოდნა
• პროცესზე ორიენტირება – ყურადღება გამახვილებულია არა მხოლოდ საბოლოო შედეგზე, არამედ კვლევის, ანალიზისა და არგუმენტაციის პროცესზე.
• კომპეტენციებზე დაფუძნებული სწავლება – შეფასება დაკავშირებულია პროგრამის მიზნებთან და რეალურ პროფესიულ საჭიროებებთან, რაც ზრდის სტუდენტთა მოტივაციას.
• თანამშრომლობითი სწავლება – შეფასება მოიცავს ჯგუფურ პროექტებს, დისკუსიებს და კოლაბორაციულ კვლევას.

შემაჯამებელი შეფასება

შემაჯამებელი შეფასება არის მაგისტრანტის აკადემიური პროგრესის საბოლოო შეფასების სისტემა, რომელიც განსაზღვრავს, რამდენად მიაღწია სტუდენტმა სასწავლო მიზნებს. შეფასება ორიენტირებულია სტუდენტის კომპეტენციების, კვლევითი უნარებისა და კრიტიკული ანალიზის უნარის სიღრმისეულ შეფასებაზე.

შემაჯამებელი შეფასების ძირითადი პრინციპები

• პროგრამის აკადემიური სტანდარტების დაცვა – შეფასება უნდა ემყარებოდეს პროგრამის მიზნებს და საერთაშორისოდ აღიარებულ აკადემიურ სტანდარტებს.
• მრავალგანზომილებიანი მიდგომა – გამოიყენება შეფასების რამდენიმე მეთოდი, რათა სტუდენტის კომპეტენციები სრულად შეფასდეს.
• გამჭვირვალობა და ობიექტურობა – შეფასების კრიტერიუმები სტუდენტებისთვის წინასწარ უნდა იყოს ცნობილი, რათა უზრუნველყოს სამართლიანი და ობიექტური შეფასება.
• პრაქტიკული ცოდნისა და კვლევითი უნარების შეფასება – შეფასება არა მხოლოდ თეორიულ ცოდნას, არამედ სტუდენტის მიერ მიღებული ცოდნის პრაქტიკულ გამოყენებასაც მოიცავს.

სასწავლო/პრაქტიკული კომპონენტების შეფასების სისტემა

სასწავლო/პრაქტიკული კომპონენტები ითვალისწინებს მიმდინარე და ფინალურ შეფასებას თითოეულ კომპონენტში.

მიმდინარე შეფასება მოიცავს თეორიული, პრაქტიკული და კვლევითი დავალებების შესრულებას, შესაბამისი სასწავლო/პრაქტიკული კომპონენტის შედეგებიდან გამომდინარე და შეიძლება მოიცავდეს შუალედურ გამოცდას, შეძენილი ცოდნის და უნარების დონის მიმდინარე შეფასებისთვის.

ფინალური შეფასება ითვალისწინებს საბოლოო გამოცდის, პროექტის ან ნამუშევრის შეფასებას, შესაბამისი სასწავლო/პრაქტიკული კომპონენტის შედეგებიდან გამომდინარე.

სტუდენტის შეფასება შეადგენს მიმდინარე და ფინალური შეფასებების ჯამს.

Fx შეფასების შემთხვევაში, მაგისტრანტი უფლებამოსილია დამატებითი მუშაობის ხელმეორედ ჩააბაროს გამოცდა/ნაშრომი/პროექტი ფინალური შეფასებისთვის, იმავე აკადემიურ სემესტრში, შეფასების გაცნობიდან არანაკლებ 5 დღის ვადაში. დამატებითი გამოცდის შედეგის გათვალისწინებით დადებითი შეფასების მიუღწევლობის შემთხვევაში, მაგისტრანტს შესაბამის კომპონენტში უფორმდება     F შეფასება.

F შეფასების შემთხვევაში, მაგისტრანტი ვალდებულია შესაბამისი სავალდებულო კომპონენტი თავიდან გაიაროს შემდგომ აკადემიურ სემესტრებში. ხოლო არჩევით კომპონენტში უარყოფითი შეფასების მიღების  შემთხვევაში - ხელახლა გაიაროს ეს ან სხვა არჩევითი კომპონენტი შესაბამისი მოცულობით.

პროგრამის სასწავლო/პრაქტიკულ კომპონენტში 3-ჯერ უარყოფითი შეფასების მიღება არის მაგისტრანტისთვის სტუდენტის სტატუსის შეწყვეტის საფუძველი.

სამაგისტრო თეზისის შეფასების სისტემა

 სამაგისტრო თეზისის შეფასება ხდება მთლიანობაში, ერთიანი დასკვნითი შეფასებით, რომელიც მოიცავს თეზისის ხელმძღვანელის, რეცენზენტებისა და თეზისის დაცვის კომიტეტის შეფასებებს

სამაგისტრო თეზისის შეფასება

Fx შეფასების მიღების შემთხვევაში, მაგისტრანტი უფლებამოსილია გადაამუშავოს თეზისი - მოახდინოს კვლევითი კითხვის მოდიფიცირება, კვლევის მეთოდების შეცვლა, კვლევითი პოპულაციის შეცვლა, ლიტერატურის ანალიზის აკადემიური წერის სტანდარტებში მოქცევა ან/და შეასრულოს შემფასებლის რეკომენდაციის შესაბამისად სხვა სამუშაო, და  ხელმეორედ ჩააბაროს თეზისის შეფასების კომპონენტო მომდევლო აკადემიურ სემესტრში.

განმეორებით დაცვაზე დადებითი შეფასების მიუღწევლობის შემთხვევაში, მაგისტრანტს უფორმდება  F შეფასება და იგი კარგავს ამავე სათაურის ნაშრომის წარმოდგენის უფლებას.

F შეფასების მიღების შემთხვევაში, მაგისტრანტი კარგავს ამავე სათაურის ნაშრომის წარმოდგენის უფლებას, და ვალდებულია ახალი სამაგისტრო ნაშრომის შეასრულოს.

თეზისის კომპონენტში 2-ჯერ უარყოფითი შეფასების მიღება არის მაგისტრანტისთვის სტუდენტის სტატუსის შეწყვეტის საფუძველი.

მისანიჭებელი კვალიფიკაცია

აკადემიური ხარისხი

პროგრამის პირველი ნაწილი დასრულებულად ითვლება, როცა:

• სტუდენტის მიერ დაგროვებულია არანაკლებ 60 ECTS კრედიტი პროგრამის I ნაწილით გათვალისწინებული ყველა სავალდებულო კურსითა და არჩევითი კურსების მინიმალური რაოდენობით.
• სამაგისტრო პროექტი დაცულია

პროგრამის დასრულების შემდეგ კურსდამთავრებულს ენიჭება

განათლების ადმინისტრირების მაგისტრის

Master of Education Administration

აკადემიური ხარისხი და ეძლევა დიპლომი შესაბამისი დანართით.

პროგრამის მეორე ნაწილი დასრულებულად ითვლება, როცა:

• სტუდენტის მიერ დაგროვებულია არანაკლებ 60 ECTS კრედიტი პროგრამის II ნაწილით გათვალისწინებული ყველა სავალდებულო კურსითა და არჩევითი კურსების მინიმალური რაოდენობით.
• სამაგისტრო თეზისი დაცულია

პროგრამის დასრულების შემდეგ კურსდამთავრებულს ენიჭება

განათლების ადმინისტრირების კვლევის მაგისტრის

Master of Education Administration Research

აკადემიური ხარისხი და ეძლევა დიპლომი შესაბამისი დანართით.

სწავლის გაგრძელება

სამაგისტრო პროგრამის I ნაწილის დასრულების შემდეგ განათლების ადმინისტრირების მაგისტრი უფლებამოსილია სწავლა გააგრძელოს კვლევით სამაგისტრო პროგრამაზე.

კვლევითი სამაგისტრო პროგრამის / სამაგისტრო პროგრამის ორივე ნაწილის დასრულების შემდეგ განათლების ადმინისტრირების კვლევითი მაგისტრი უფლებამოსილია სწავლა გააგრძელოს აკადემიური უმაღლესი განათლების მესამე საფეხურზე, დოქტორანტურაში.

დასაქმების სექტორი

განათლების ადმინისტრირების კურსდამთავრებულებს აქვთ ფართო დასაქმების პერსპექტივა როგორც საჯარო, ისე კერძო და საერთაშორისო სექტორებში. მათი უნარები გამოიყენება განათლების მენეჯმენტში, პოლიტიკის დაგეგმვაში, კვლევაში და კონსულტაციაში.

კურსდამთავრებულების პროფესიული საქმიანობის არეალი

1. საგანმანათლებლო ინსტიტუციის ადმინისტრაცია

• ინსტიტუციის მმართველი გუნდის წევრი – მართავს სასწავლო პროცესს, პედაგოგიურ გუნდს და ინსტიტუციის პოლიტიკას.
• ინსტიტუციის ადმინისტრატორი – მუშაობს აკადემიურ დეპარტამენტებში, ადმინისტრაციულ ერთეულებში, სტუდენტურ სერვისებში.
• განათლების ხარისხის მენეჯერი – უზრუნველყოფს სასწავლო პროცესის შესაბამისობას ეროვნულ და საერთაშორისო სტანდარტებთან.
• საგანმანათლებლო პროცესების კოორდინატორი – ორგანიზებას უწევს სასწავლო პროგრამების განვითარებასა და ადმინისტრირებას.

2. განათლების პოლიტიკა და მმართველობა

• განათლების სამინისტროს ან ადგილობრივი ხელისუფლების სპეციალისტი – მუშაობს განათლების რეფორმებზე, პოლიტიკის დაგეგმვაზე და იმპლემენტაციაზე
• საგანმანათლებლო სტრატეგიული განვითარების მენეჯერი – ახორციელებს კვლევებს განათლების პოლიტიკის გაუმჯობესებისთვის.
• საერთაშორისო საგანმანათლებლო პროექტების მენეჯერი – მონაწილეობს საერთაშორისო ორგანიზაციებთან თანამშრომლობაში (UNESCO, UNICEF, World Bank და სხვა).

3. კვლევა და კონსულტაცია განათლების სფეროში

• საგანმანათლებლო კვლევითი ორგანიზაციების ანალიტიკოსი – ატარებს კვლევებს განათლების სისტემის გაუმჯობესებისთვის.
• მოსწავლეთა და პედაგოგთა შეფასების ექსპერტი – მუშაობს განათლების ხარისხის მონიტორინგსა და შეფასების მოდელებზე.
• კონსულტანტი საგანმანათლებლო მენეჯმენტში – უწევს კონსულტაციას საგანმანათლებლო ინსტიტუციებს

4. არასამთავრობო სექტორი და საერთაშორისო ორგანიზაციები

• საგანმანათლებლო არასამთავრობო ორგანიზაციის მენეჯერი – მართავს საგანმანათლებლო ინიციატივებსა და სოციალური ინკლუზიის პროექტებს.
• განათლების განვითარების კოორდინატორი – მუშაობს საერთაშორისო ორგანიზაციებში (UNICEF, GIZ და სხვა.).
• ტრენერი და პროფესიული განვითარების სპეციალისტი – ატარებს ტრენინგებს პედაგოგებისა და განათლების მენეჯერებისთვის.

5. არაფორმალური განათლების სექტორი

• არაფორმალური სასწავლო ცენტრის მენეჯერი – მართავს სასწავლო და ადმინისტრაციულ პროცესებს, დამატებით განათლების სერვისებს, ენის სკოლებს, სასწავლო აკადემიებს, მსხვილი კომპანიების პროფესიული მომზადების ერთეულებს.
• EdTech (განათლების ტექნოლოგიები) სტარტაპის მენეჯერი – მონაწილეობს ინოვაციური საგანმანათლებლო პლატფორმების განვითარებაში.
• განათლების ანტრეპრენიორი / განათლების ინფლუენსერი – თავისი ცოდნისა და უნარების კომერციალიზაციას ახორციელებს განათლების პლატფორმების (Coursera, Udemy)  ან სოციალური მედია არხების მეშვეობით.

პროგრამის ინტერდისციპლინარული ბუნება საშუალებას აძლევს კურსდამთავრებულს პრობლემის გადაწყვეტაზე და მტკიცებულებებზე დაფუძნებული გადაწყვეტილებების რთული პრაქტიკული პრობლემების გადასაჭრელად იმპლემენტაციის უნარები წარმატებით გამოიყენონ ასევე პროგრამის ძირითადი სფეროს დასაქმების ფარგლებს გარეთ.