14 აპრილს ბაუ ბათუმის საერთაშორისო უნივერსიტეტის მედიცინის ფაკულტეტის სტუდენტები შოთა რუსთაველის სახელობის სახელმწიფო უნივერსიტეტს ეწვივნენ. სტუდენტებმა დაათვალიერეს უნივერსიტეტი და იქ არსებული აღჭურვილობა. გარდა ამისა, ისინი შეხვდნენ ბსუ-ს სტუდენტებს და ისაუბრეს სამომავლო აქტივობებზე, რომელსაც ერთად განახორციელებენ. მსგავსი ტიპის შეხვედრები ხელს შეუწყობს აღნიშნული უნივერსიტეტების სტუდენტებს შორის მჭიდრო ურთიერთობის დამყარებას.