რექტორის გზავნილი

კეთილი იყოს თქვენი მობრძანება ბაუ ბათუმის საერთაშორისო უნივერსიტეტში!

ბაუ ბათუმის საერთაშორისო უნივერსიტეტი არის ახალი და დინამიკურად განვითარებადი უმაღლესი საგანმანათლებლო დაწესებულება საქართველოში. მიუხედავად იმისა, რომ უნივერსიტეტი საქართველოშია დაფუძნებული და ადგილობრივად ფუნქციონირებს, იგი ასევე საერთაშორისო საგანმანათლებლო ქსელის, „ბაუ გლობალის“, წევრია. ამ ქსელის ძირითადი კამპუსი მდებარეობს თურქეთში, ქალაქ სტამბოლში, ხოლო „ბაუ გლობალი“ აერთიანებს სამ კონტინენტზე განთავსებულ რვა სხვადასხვა სასწავლო დაწესებულებას მსოფლიო მასშტაბით.

ბაუ ბათუმის საერთაშორისო უნივერსიტეტში ისწავლება დიპლომირებული მედიკოსისა და სტომატოლოგიის ინგლისურენოვანი პროგრამები. ჩვენი სტუდენტების უმრავლესობა სხვადასხვა ქვეყნის წარმომადგენლები არიან.

მედიცინისა და სტომატოლოგიის ფაკულტეტები უზრუნველყოფენ სწავლებისა და პრაქტიკის ინტეგრირებულ გარემოს, რომელიც ხელს უწყობს სტუდენტების პროფესიულ განვითარებას. ფაკულტეტები დაკომპლექტებულია მსოფლიოს სხვადასხვა წერტილიდან მოწვეულ პროფესიონალთა გუნდით, რომელთაც მრავალფეროვანი განათლება და პროფესიული გამოცდილება აქვთ. სტუდენტებს ვთავაზობთ სწავლებისა და თვითგანვითარებისთვის ხელსაყრელ გარემოს, სადაც ისინი ეუფლებიან როგორც საბაზისო, ისე კლინიკურ მეცნიერებებს, შეისწავლიან უნივერსალური უფლებების პატივისცემას და გამოიმუშავებენ მულტიკულტურულ გარემოში წარმატებით მოღვაწეობის უნარებს.

ჩვენ გვჯერა, რომ ნამდვილი მედიცინის სპეციალისტის და სტომატოლოგის აღზრდა შესაძლებელია მხოლოდ კლინიკური პრაქტიკისა და ადამიანის სიცოცხლისადმი მისი ბიოლოგიური, სოციალური და კულტურული საწყისებისადმი ღრმა პატივისცემის შერწყმით. სტუდენტებში სამედიცინო და ჯანდაცვასთან დაკავშირებული კომპეტენციების გამომუშავების პროცესში ვიყენებთ თანამედროვე ლაბორატორიებს, პაციენტთან მუშაობის სიმულაციურ მოწყობილობებს, პრაქტიკულ კლინიკურ გამოცდილებასა და ჯანდაცვაში დანერგილ თანამედროვე ინტერვენციის მეთოდოლოგიებს. ჩვენ გვაქვს ამბიცია, რომ ჩვენი კურსდამთავრებულები აკმაყოფილებდნენ სხვადასხვა მოწინავე ჯანდაცვის სისტემების სალიცენზიო მოთხოვნებს. ამიტომაც, სტუდენტებს ვთავაზობთ „USMLE -ის“ (ამერიკის სამედიცინო სალიზენციო გამოცდა) არჩევით მოსამზადებელ კურსს.

და ბოლოს, შავი ზღვის ულამაზესი ქალაქი ბათუმი ჩვენს სტუდენტებსა და ფაკულტეტის წევრებს თავისუფალი დროის საინტერესოდ გატარების უამრავ შესაძლებლობას სთავაზობს.