სამედიცინო ფაკულტეტის სტუდენტი სწავლების პერიოდში აწყდება დილემას და უჩნდება უამრავი კითხვა საკუთარ თავთან თუ რა სპეციალობით გააგრძელებს სწავლას, პროფესიულ განვითარებას? თქვენ არ ხართ მარტო!
ბაუს კარიერული მხარდაჭერის სამსახური სტუდენტთა პიროვნული და შემოქმედებითი პოტენციალის გამოვლენას და ძლიერ ლიდერებად ჩამოყალიბებას უწყობს ხელს. სწავლების პერიოდს პირობითად 3 ფაზად ვყოფთ: შესწავლა, გადაწყვეტილების მიღება და წარმატების მიღწევა. ჩვენ გვჯერა, რომ სტუდენტთან თანამშრომლობით და უწყვეტი კომუნიკაციით მათ მაღალი ხარისხის განათლებას მივაწოდებთ და ჩამოვუყალიბებთ ფართო ჰორიზონტის მსოფლმხედველობას სხვადასხვა აქტივობების შეთავაზებით, რომლებიც სტუდენტებს შთააგონებენ უსაზღვრო შესაძლებლობების შესახებ.
სწავლების დაწყების დღიდან, რა თქმა უნდა, პირველკურსელისთვის ძნელია და წარმოუდგენელია ჰქონდეს განსაზღვრული, თუ რა მიმართულებით გააგრძელებს მოღვაწეობას მომავალში. მენტორი -პორტფოლიოს ხელმძღვანელი უნივერსიტეტში ჩარიცხცის დღიდან საშუალება გეძლევათ დაუკავშირდეთ ტუტორს, რომელიც მომდევნო 6 წლის განმავლობაში დაგაკვალიანებთ და დაგეხმარებათ ცოდნის გაღრმავებაში. მენტორი და ტუტორი არიან ის პროფესიონალები, რომლებიც ამ წლების განმავლობაში თქვენს მიერ დასმულ კითხვებს უპასუხებენ და თავიანთ გამოცდილებას გაგიზიარებენ . სტაჟირება და სწავლება ტრადიციული სამედიცინო უნივერსიტეტის გრაფიკისგან განსხვავებით, ბაუს სასწავლო გეგმა მეორე სასწავლო წლიდანვე საშუალებას გაძლევთ ჩაერთოთ კლინიკურ ვიზიტებში, ამავე დროს გაქვთ უფლება თქვენი სურვილიდან გამომდინარე დაარეგისტრიროთ ის საგნები, რომლებიც მეტად გაინტერესებთ.
იმის დასადგენად თუ რომელი პროფესია შეგეფერებათ, მრავალი ფაქტორი უნდა გაითვალისწინოთ. თქვენთვის შესაფერისი პროფესიის ძიების პროცესში თქვენი უნარები, შესაძლებლობები და ინტერესები, ღირებულებები და პიროვნული მახასიათებლები გადამწყვეტ როლს თამაშობენ. ხშირ შემთხვევაში არჩევანის წინაშე მყოფმა ადამიანმა ჯერ კიდევ არ იცის, რომელი პროფესიის დაუფლება სურს, ზოგიერთს გარკვეული მისწრაფებები აქვს, მაგრამ საბოლოოდ არჩევანი მაინც ვერ გაუკეთებია. ამიტომაც, წლების განმავლობაში ჩამოყალიბებული ურთიერთობები თქვენსა და ხელმძღვანელს შორის, ტუტორ/მენტორის რჩევები და რეკომენდაციები გადაწვეტილების მიღების პროცესს ამარტივებს
მას შემდეგ რაც უკვე აირჩიეთ სპეციალობა, კარიერული მხარდაჭერის სამსახური გთავაზობთ, სერვისებს, რომელიც დაგეხმარებათ უკეთ მიაღწიოთ თქვენ მიზნებს. ექვსწლიანი სწავლების განმავლობაში, მენტორი, დეკანატი და სტუდენტთა კარიერული მხარდაჭერის სამსახური მუდმივ რეჟიმში მუშაობენ, იმისათვის რომ სწავლის დასრულების შემდგეგ სტუდენტი მზად იყოს რეზიდენტურისთვის.
