ბაუ ბათუმის საერთაშორისო უნივერსიტეტი აცხადებს აბიტურიენტთა საგრანტო კონკურსს 2019-2020 სასწავლო წლისათვის. დაფინანსების მიზნით კონკურსანტების დოკუმენტების მიღება იწარმოებს 2019 წლის 02 აპრილიდან 2019 წლის 3 ივნისის ჩათვლით. წარმოდგენილ კონკურსანტთა დოკუმენტაციის განხილვა იწარმოებს 2019 წლის 05 ივნისამდე. წარმოდგენილი დოკუმენტაციის განხილვის შემდგომ კონკურსანტებს ზეპირი გასაუბრება ჩაუტარდებათ 2019 წლის 7 ივნისს.
კონკურსში მონაწილეობისთვის საჭიროა შემდეგი დოკუმენტაციის წარმოდგენა:
- ერთიანი ეროვნული გამოცდების პრიორიტეტების ჩამონათვალში პირველ ადგილზე მითითების დამადასტურებელი დოკუმენტი;
- CV ფოტო სურათით ინგლისურ ენაზე, სადაც ასახული იქნება განხორციელებული აქტივობები, უნარები, ჰობი;
- ორი სარეკომენდაციო წერილი ინგლისურ ენაზე (რეკომენდატორთა საკონტაქტო ინფორმაციის მითითებით), ერთი აუცილებლად კლასის დამრიგებლისგან;
- სამოტივაციო წერილი ინგლისურ ენაზე (მინიმუმ 300 სიტყვა);
- სხვა აქტივობების(ოლიმპიადა, კონფერენცია, პროექტი, მათ შორის სატელევიზიო) დამადასტურებელი დოკუმენტები;
- აკადემიური მოსწრების დამადასტურებელი დოკუმენტები ინგლისურ ენაზე ნათარგმნი და ნოტარიულად დამოწმებული;
კონკურსანტებმა დოკუმენტების ელექტრონული ვერსია უნდა მოგვაწოდონ შემდეგ მისამართზე: admissions@bauinternational.edu.ge
დოკუმენტების მიღება იწარმოებს 3 ივნისის ჩათვლით.