25 აპრილს, ბაუ ბათუმის საერთაშორისო უნივერსიტეტის ორგანიზებით წარმატებით დასრულდა სასკოლო ოლიმპიადა 2025, რომელიც მოიცავდა საბუნებისმეტყველო მიმართულების ოთხ საგანში მომზადებულ საგნობრივ ტესტებს: ბიოლოგიაში, ქიმიაში, ფიზიკასა და მათემატიკაში.
ოლიმპიადა 5 სესიად ჩატარდა და მასში მონაწილეობა მიიღეს მე-11 და მე-12 კლასის მოსწავლეებმა საქართველოს სხვადასხვა რეგიონიდან.
ბაუ ბათუმის საერთაშორისო უნივერსიტეტი მადლობას უხდის ყველა მონაწილეს აქტიური ჩართულობისთვის.
გამარჯვებულების ვინაობა და დაჯილდოების დეტალები გამოქვეყნდება უახლოეს დღეებში.