24 ივნისს ბაუ ბათუმის საერთაშორისო უნივერსიტეტმა უმასპინძლა ყოველწლიურ საერთაშორისო კულტურულ ფესტივალს - დღესასწაულს, რომელიც ჩვენს აკადემიურ სივრცეში არსებულ კულტურულ მრავალფეროვნებას ეძღვნება.
ღონისძიებაზე წარმოდგენილი იყო სხვადასხვა ქვეყნის ტრადიციული მუსიკა, ცეკვები და სამზარეულო, რაც ღონისძიებას განსაკუთრებულად დასამახსოვრებელს ხდიდა. წლევანდელი ფესტივალი განსაკუთრებით გამორჩეული იყო იმით, რომ მასში უნივერსიტეტის სტუდენტებთან ერთად დასავლეთ საქართველოს სხვადასხვა სკოლის მოსწავლეებიც მონაწილეობდნენ.
მადლობას ვუხდით ყველა მონაწილეს, ორგანიზატორსა და სტუმარს ღონისძიებაში შეტანილი წვლილისთვის. მრავალფეროვნებაშია ჩვენი ძალა - წინ კიდევ მრავალი შთამაგონებელი დღე გველოდება!